სამუშაო ადგილზე მიღებული სერიოზული დაზიანებები ან ტრამვები რომლებიც სიკვდილიანობას იწვევს, სამუდამოდ ცვლის ცხოვრებას ოჯახებისთვის, მეგობრებისთვის, საზოგადოებისა თუ თანამშრომლებისთვის. ადამიანის სიცოცხლის ფასი განუზომელია. ისეთი ფართო საქმიანობა, როგორიცაა სამშენებლო ინდუსტრია, უამრავ თანამშრომელსა და დასაქმებულ ადამიანს აერთიანებს, თავის მხრივ დაკავშირებულია საწარმო საქმიანობით გამოწვეულ დიდი რაოდენობის უბედურებებთან და დაშავებულებთან. ვალდებულება იმისა, რომ ადამიანები სახლში უვნებლები დაბრუნდნენ არის ერთ-ერთი უმთავრესი მიზეზი თუ რატომ უნდა არსებობდეს უსაფრთხო და ჯანსაღი სამუშაო გარემო. თუმცა, მიუხედავად ამისა არსებობს სხვა ასპექტებიც.
უსაფრთხოება აუმჯობესებს ხარისხს.
კომპანიები რომლებიც პირველ ადგილას აყენებენ უსაფრთხოებას აწარმოებენ კარგი ხარისხის პროდუქტს. რიგ შემთხვევებში დაცული გარემო როგორც წესი განაპირობებს ეფექტურობას, თავს იზღვევს უცხო ან ორგანული ნივთიერებების, თოკების, კაბელების თუ სხვა სამშენებლო ნარჩენებისგან. სხვა შემთხვევებში კი საკითხი ეხება დაავადებებისა და ინფექციების კერას.
ჯანსაღ და დაცულ გარემოში მუშაობით მუშებს შესაძლებლობა აქვთ თავი აარიდონ დისტრაქციას და კონცენტრირებულნი იყვნენ იმაზე, რომ ხარისხიანად შეასრულონ საკუთარი საქმე. შედეგი? უკეთესი პროდუქი რაც ქმნის მომხმარებლის ნდობას, ფართო სამოქმედო არეალი, გაზრდილი გაყიდვები. უსაფრთხო გარემოს შექმნა კონსტიტუციური ვალდებულებაა, ამავდროულად მნიშვნელოვანია პროდუქტიული, ეფექტური, ინსპირაციული, ბედნიერი სამუშაო ადგილის შექმნა, რომელში მომუშავე ადამიანებიც დაცულად იგრძნობენ თავს, რენტაბელური კომპანიის შექმნა რომელიც მაღალ სტანდარტებს ითვალისწინებს.
მუშები რომლებიც დაცულად გრძნობენ თავს, აღიჭურვებიან ნდობით და მეტად ერთგული თანამშრომლები არიან.
ჯანსაღი და დაცული სამუშაო გარემოს შექმნით კომპანია ასევე ამცირებს იმ აკითხების პრობლემატურობას როგორებიცაა ინტენსიური მუშაობის დროს გულგრილობა, სამსახურში არსებული გამოუცხადებლობა, რუტინად ქცეული რეჟიმის დროს ‘’გაცვეთილი’’ მიდგომები. უსაფრთხოების საკითხების დადგენისა და მისი გაუმჯობესებისთვის ბიუჯეტის გამოყოფა და უსაფრთხოების ნაწილის დადგენა როგორც კომპანიის მამოძრავებელი გეგმა თანამშრომლებში იწვევს ნდობის შეგრძნებას. უსაფრთხოების საკითხების გადაწყვეტაში მუშებისა და თანამშრომლების ჩართულობა - რეპორტინგის წარმოების, სხვადასხვა დეპარტმანეტების შექმნის, შეხვედრების ჩატარებიბს სახით, მომუშავე პერსონალს კომპანია აჩვენებს, რომ მათი აზრი უდაოდ მნიშვნელოვანია და ის ზრუნავს თანამშრომლებისა და გარემოს უსაფრთხოებაზე. მომუშავე პერსონალი აღნიშნულ ქმედებას როგორც წესი გაძლიერებული მუშაობით, მაღალი მოტივაციის დონით და შესრულებული სამუშაოს პროდუქტიულობით პასუხობენ.
დაზიანებებისა და ტრამვების შემცირება იწვევს ბიზნესის ხარჯების შემცირებას.
თუკი მუშა სამუშაო პროცესის დროს დაშავდა, კომპანია კარგავს სამუშაო საათებს. პროდუქტიულობის დონე იკლებს როცა მუშები წყვეტენ სამუშაო პროცესს დაზიანებებთან გამკლავების გამო.დაშავებული მუშის საავადმყოფოში ან სახლში მოთავსების შემდეგაც, შესაძლოა სხვა თანამშრომლები მოექცნენ სტრესის ქვეშ და დაჭირდეთ შემდგომი რეაბილიტაცია. კომპანიისთვის დანახარჯებს შეიძლება წარმოადგენდეს დაკარგული საათები, კომპენსაციები, შესაძლებელი სასამართო პროცესები თუ დავები და სხვა. ბიზნესისთვის თითოეული დაზიანების შემთხვევასაც კი შემასუსტებელი ეფექტი აქვს.